CAPONEK
GIZAKIOI BURUZ
( z, h, a, c, m eta abar )
Jende humano hau,
ez da heriotzarantz
gure modura lerratzen.
Gorputzak hogei urte dituenean
hogei urte bailituen portatzen da gogoa.
Gorputzak hogeita hamar dituenean
hamar urte dituela dirudi gogoak.
Gorputzak berrogei urte dituenean
hamar urte dituela ematen du gogoak.
Gorputzak hirurogei urte dituenean
hiru urte bailituen darabil gogoa.
Gorputzak laurogei urte dituenean
urte bateko adin mentala du gogoak.
Jende humano hau,
ez da gure modura
zaharrez hiltzen. © Juanjo Olasagarre