ANJELINES BERASATEGIK
HAUTSONTZIARI,
GIZAKIOI EZINEAN
( b )
Bihotz jelatuko zure materia
mirakulu mahaiaren ortzimugan,
dudan ikusi-ez ikusi,
horren zara kristalezko.
Lo diraute errai ia zilarrezkotan
hainbeste amets herdoil,
heroi etoi, gau-urrats,
zigarreta erreen hondakin hilotz,
zeinak izan ziren noizbait
amets itzal iheserako
hegal.
Gaur dira, soilik
iraganaren hausterre
nire kristalezko erraietan. © Juanjo Olasagarre