ANA YOLDIK
XABIER BIZIRI
SENARRAREKIN EDUKITAKO
ESPERIENTZIARI BURUZ
( c+k )
Atzokoa esperientzia sakratua izan zen,
lastima sakratua heriotzari dagokiola,
lastima biktimak eta borreroak.
Jainko itsu baten gisa hurbildu zitzaidan
azalaren lakua urratzera, zakila beltz;
eta ametsezko basoak ibili genituen
izerdizko ortzien azpian. Eskuak hegan
leherketa haragituak entzun ziren,
larruari larru, begiari begi,
desiozko labana gorria aldarean;
eta bizitza erori egin zen bat-batean.
Jainko beltza baino ez zen gelditu,
jainko izateko, hiltzaile, halabeharrez. © Juanjo Olasagarre