ANA YOLDIK
XABIER BIZIRI
( c-k )
Amodioa arazo transkulturalei ere badagokio:
bizitzaz gaindi aritzeko joera hori
eternitatearen merkealdia baizik ez da,
baina eternitateak, izan, badu amaierarik,
eta amaitutakoan amodioa, ai
kultura berri bati egokitzeari dagokio,
hizkuntza arrotza ahoskatu,
kortesia usadioei erreparatu,
eta beste bat izaten ikasi.
Hara bakardadea! Baina ofizioa
beste nonbaiteko hiritar izateko ofizioa,
ikasi egin daiteke:
oroimena bridatzean datza pasaportea,
bizi ez bagina bezala bizitzean
identitate txartela lortzea. © Juanjo Olasagarre