JOXERRA AGIRREK
ANA YOLDIRI
( a, c )
Larru-bizi jaio da gizasemea
baina beztitu egin dute berehala.
Beztiturik ematen ditu kili-kolo
lehendabiziko urrats ttipiak.
Beztiturik jabetzen da munduaz,
beztiduraz gobernatzen da.
Nahiz ustez larru-bizi, amodiora
iraganez beztiturik hurbiltzen da,
ametsak ere beztitu egiten ditu
gizasemeak eta ametsek gizasemea.
Oi, larru-bizi etortzen zaio, baina, bizitza
larru-bizi, begiak argi, heriotza. © Juanjo Olasagarre