LUKAS OIHENARTEK
JOSEMA IRUTAGOIENI
BERROGEIETARA
HURBILTZEA DELA-ETA
( i, d )
Norberak urteekin konposatu sinfonian
maizter bizitzea bezala beharko luke
heltzeak, berrogeietara hurbiltzeak.
Egunak mailegutan letozke
eguzkitako gazte azulez jantzirik,
azalaren melodia ments, leun.
Paradisuak akorde higatuak lirateke,
promesak kontzertu ikasia
eta erritmo mantsoa bukaerarantz.
Apurrak baino ez esperatu,
ia banderarik gabe bizi,
ez esan, ez egin, ez sinetsi
eta isiltasunaren beharrei men egin,
Heriotza aria delizios bihur dadin.
Heltzean, berrogeietara hurbiltzean. © Juanjo Olasagarre