CAPONEK
JOXERRA AGIRRE JABEARI
ERANTZUNEZ
( z, a )
Bihotzak guri arre esaten digu,
esaten digu elkartasun,
esaten digu amodio.
Bihotzak egiten digu zaunk
inongabeko errefuxiatu garelakoz,
egiten digu irri
plasta-plasta gabiltzalakoz.
Buruak guri so esaten digu,
esaten digu arrazoigintza,
esaten digu ez.
Buruak egiten digu kazka-kazka
guda bizian gabiltzalakoz,
egiten digu irri
lapa-lapa ari garelakoz.
Buruak ez digu bihotzaren zaunkarik txalotzen.
Guk ere ezin diogu ihes egin gure zakurtasunari. © Juanjo Olasagarre