ALDE TXIKIA

Hauteskundeak egin behar ditut epe laburrean

zerrenda itxi bakarrari emateko boto

hitz bihurtzen dudan txorakeria bakoitzean

ezkutaturiko hautagai bakarrari.

Zortzietan itxiko omen da ikastetxea,

balizko emaitzen abagune.

Porrot egin du inkesta enpresak,

zakarrontzian dautza

anabasan metaturik

aurreikuspenak.

Ez naiz garaile suertatu

boto baten aldeagatik.

Ondikoz.