THE WALL

Etsi-etsian

zappingean eman ditut

mila arratsalde eta bat gehiago,

bobgeldoftu egin naiz derrepente

eta harrapatu ditut

itsas-lehorreko animalia ugari,

atuna, kasu,

katua, demagun bidenabar,

otso beltza, eperra, amuarraina,

besteak beste.

Begizkoa egin digun sorginak

iratzartzen ez gaituen bitartean

mila aldiz nahiagoko ditugu lokamutsak

ipuin harrigarri bat baino.