COMBOIOS DE PORTUGAL (II)

Trenak ez du oraino Lisboa behatzen.

Letargia garizuma baino infinituagoa da.

Dagoeneko inork ez dio mozkorrari erreparatzen.

Erretzen ari da

silueta bidegabeak osatuz,

lokamuts lizunen artean

zigarroaren iragazkia musukatuz,

eta

irri dagi berriro

Lisboa hurbiltzen ari baita

erremediorik gabe,

eta saihetsezina den orori

aurpegi kamutsek baino ez baitiote

aurpegi ematen.

Butaka bakarreko esperpentoak

txartela du ezinbesteko.