Eta zu, hainbeste aldiz aipatua,

nor zaren pentsatzen ariko zara.

      Zu agian polizia zara,

      komisaria bateko mahai batean

      nire asiloaz erabakitzen ari dena.

      Zuk ikusiko duzu

      nirekin zer egin.

      Edo zu, agian, nire ama zara

            Fatimatu Diallo

      hitz batzuk ostu dizkizut,

                  barkatu,

      hau dena ez dizut kontatu orain arte.

Edo zu zara Fatumata Binta

edo zu Rouguiatou

nahi nuke jakin dezazun

Ibrahima ez dela zutaz ahaztu.

                        Baina kontakizun honek zu gehiago ditu,

      zu zara Ismail

      edo zu zara Emi

      galdetzen dizut gaur bizi ote zaren,

      eta non zauzkan zoriak.

Edo zu zara beharbada

orain basamortua zeharkatzen ari zarena,

      edo basoan zaudena programa baten zain,

      zuretzat ere bada informazio hau guztia.

                        Edo zu zara honaino iristen lagundu didana,

                              Oranen edo Irunen,

                                    zenbat zu.

      Edo sinpleki

         zu zara zu

orain poema hau irakurtzen ari dena.

                Esango duzu

              zu hori ni naiz?

      Bai

      nahi baduzu

      zu hori zu zara,

   baina ni ez,

   ni Ibrahima naiz,

   eta hau da nire bizitza.

Liburu hau Alhassane Balderi eskainia dago.