Celloaren sarrera

oinazearen atzetik:

elementuak, kontra-

zeruen arabera bilduak,

ezin argituzko gauzak bultzatzen dituzte

lurreratzeko gunearen eta sarreraren parean,

arrats

eskalatua

birika sasiez gainezka dago.

arnasaren

bi ke lainoek

zulatzen dute

zerumugak zabalduriko liburuan.

zerbait benetako bilakatzen da.

hamabi aldiz argitzen da

geziek jotako beste aldea.

odol

beltzeko andreak edaten du

odol beltzeko gizonaren semena.

oro da dena

dena baino gutxiago,

oro da gehiago.