Zürich, Stork ostatuan

Nelly Sachs-entzat

Gehiegiaz mintzo ginen,

gutxiegiaz. Zutaz

eta zutaz berriro,

argitasunak eragindako lainotzeaz,

judutasunaz,

zure jainkoaz.

Hor-

taz.

Igokunde egun batean,

monasterioa han zegoen, uraren

gainetik etorri zen urrezko zer edo zerekin.

Zure jainkoaz mintzo ginen, haren aurka

mintzatu nintzen, espero

nuen bihotza utzi nuen:

bere

hitzik goren, hil sukartsuen, ezerosoenentzat—

Zure begiak begiratu zidan, bestera begiratu zuen,

zure ahoak hitz egin zuen begirainoko bere

bidea, entzun nuen:

Guk

ez dakigu, badakizu,

guk ez dakigu

garrantzia

duena.