Gau arraioa

Nire iluntzeko kutunaren ilea erre zen bizien:

hari bidali nion zurik arinenezko hilkutxa.

Uhinek inguratzen dute gure Erromako ametsaren ohea bezala,

ileordeko zuri bat darama nik bezala eta erlats mintzo da:

ni bezala mintzo da bihotzei pasatzen uzten diedanean.

Maitasun kanta frantses bat daki, udazkenean kantatu nuena,

Berantlurrean gelditu nintzenean turista eta goizari eskutitzak idatzi nizkionean.

Hilkutxa txalupa ederra da, sentimenduen zuraz egina.

Horretan joan nintzen ni ere odol ibilian barna, zure begia baino gazteagoa nintzenean.

Gaztea zara orain martxoko elurretan hildako txori bat bezala,

orain datorkizu eta bere frantses abestia kantatzen du.

Argiak zarete, bukaeraraino lo eginen duzue nire udaberrian.

Argiagoa naiz ni:

Ezezagunen parean kantatzen dut.