Zenbakitu arbendolak,

zenbakitu mikatza zena eta itzarri izan zintuena,

kontu horretan neu ere sartu:

Zure begia bilatu nuen ireki zenuenean eta inork ez zintuen ikusi

gogoan zenuen ihintzak pegarretaraino

lerratzeko baliatu zuen isilpeko haria irun nuen

inoren bihotzerako bidea aurkitu ez zuen

epai baten zaintzaile.

Han baino ez zinen zeure izenean guztiz sartu,

zure buruarengana egin zenuen ibilera seguruaz,

zure isiltasunaren kanpaiaren egituran dinbi-danba aritu ziren mailuak,

aditutakoa heldu zitzaizun,

hildakoak ere bere besora bildu zintuen,

eta zuek hirurak arratsean barrena joan zineten.

Egin nazazu mikatz,

har nazazu arbendoltzat.