Paisaia baten zirriborroa

Hilobi biribilak, azpian. Lau

konpasetako erritmoan urtearen urratsa

beren inguruko mailadi zorrotzetan.

Labak, basaltoak, munduaren

bihotzeko harri goria.

Tupa-harrizko iturburua

non argia hazi zen guretzat, arnasa

baino lehen.

Olio-berdea, itsaso aparrez blai

ordu igaroezina. Erdigunerantz,

urdin,

harrizko zela bat, horren gainean,

jo eta kiskalita,

animaliaren bekokia

bere distira itsugarriaz.