Gauean beltzarana duzu gorputza Jainkoaren sukarraz:

zure masailetan zuziak astintzen ditu nire ahoak.

Ez dadila sehaskan kulunkatua izan sehaska-kantak adituko ez dituena.

Eskua elurrez beterik joan nintzen zuregana,

eta zalantzakor, zure begiak urdintzen diren gisan

orduen biran. (Ilargia biribilagoa zen orduan).

Miraria negarra da denda hutsetan,

ametsaren pegartxoa izoztu egin zen — zer axola?

Oroitu: hosto beltz bat geratzen zen intsusan —

marka ederra odolaren kalizarako.