Schibboleth

Burdinazko barren atzean

negarrez hazitako

nire harriekin batera,

azoka erdiraino

bultzatu ninduten,

han

non zin egin ez nion bandera

zabaltzen den.

Txirula,

gauaren txirula bikoitza:

pentsatu gorritasun bizki ilunaz

Vienan eta Madrilen.

Jarri zure bandera haga erdian,

oroimena.

Haga erdian

gaurko eta betiko.

Bihotza:

eman ezagutzera hemen ere,

hemen, azoka erdian.

Egin oihu: Schibboleth-a

aberriaren arrotzean:

Otsaila. No pasarán.

Adarbakar:

harriez dakizu,

uraz dakizu,

etorri,

Extremadurako ahotsetaraino

gidatuko zaitut.