Assisi

Umbriako gaua.

Umbriako gaua kanpaietako eta olibondoko hostoaren zilarraz.

Umbriako gaua zuk ekarritako harriaz.

Umbriako gaua harriaz.

                                      Mutu, bizitzera altxatu zena, mutu.

                                      Bete pegarrak.

Buztinezko pegarra.

Buztinezko pegarra, horri atxikia hazi zen ontzigilearen eskua.

Buztinezko pegarra, betiko itxi zuena itzal baten eskuak.

Buztinezko pegarra, itzal baten zigiluaz.

                                      Harria, edonora begiratuta ere, harria.

                                      Utzi astoari sartzen.

Animalia trostaria.

Animalia trostaria, eskurik biluzienak sakabanatzen duen elurrean.

Animalia trostaria bat-batean itxi zen hitzaren parean.

Animalia trostaria, loa eskutik jaten duena.

                                      Distira, kontsolatuko ez duen distira.

                                      Hildakoak — oraindik ari dira eskean , Frantzisko.