In memoriam Paul Eluard

Utzi hitzak hildakoaren hilobian,

hark bizitzeko esandakoak.

Horien artean egokitu haren burua,

senti ditzala

irrikaren mihiak,

kurrikak.

Utzi hildakoari betazaletan

hi esan zionari

ukatu zion

hitza,

haren bihotzeko odolak saihestu zuena,

berea bezain biluzia zen esku batek

lotu zuen hi esan ziona

etorkizunaren zuhaitzetan.

Utzi haren betazaletan hitz hau:

beharbada

oraindik urdina den haren begiak

bigarren urdin bat hartuko du, arrotzagoa,

eta hi esan zionak

berarekin eginen du amets: Gu.