Tübingen, urtarrilean

Solasak itsutu-

riko begiak.

Haien —“ garbiki

sortua da

igarkizuna”—, haien oroimena

Hölderlin dorreez,

kaioek

inguratuak.

Itotako zurginen

bisitaldiak

urpeko hitzei:

Baldin eta,

baldin eta lagun bat mundura etorriko balitz, gaur,

aitalehenen bizar

distiratsuez: garai honetaz

hitz eginen balu,

zizaka eta zizaka baino

ezingo luke hitz egin

beti-, beti-,

behin eta berriz.

(“Pallaksch, Pallaksch.”)