À la pointe acérée

Meak biluzik dautza, kristalak,

geodoak.

Idatzi gabeko gauzek, hizkuntzan

gogortuak,

zeru bat askatzen dute.

(Gorantz jaurtikia, agerian utzita,

zeharkatuta, hala

gautza geu ere.

Atea horren parean behin, arbela

klarionezko izar hilaz:

badauka

orain

begi — irakurle? — bat.)

Harako bideak.

Baso sasoia

gurdibide pindartsuan barrena.

Bildu-

tako

pago-ezkur

txiki zabala:

zabaltasun

beltzaxka, hatz-pentsamenduek galdekatua

zertaz —

zeri buruz?

Errepika-ezinari

buruz, horri

buruz, guztiari

buruz.

Harako bide pindartsua.

Mugi daitekeen zerbait, agurrik gabea

bihotz bilakatu oro bezala,

badator.