Burdinazko oinetakoen karraska gereziondoan.

Uda harrotzen zait kaskotik. Diamantezko ezproidun kuku beltzak

bere irudia marrazten du zeruetako ateetan.

Hostailatik buru-has ageri da zalduna.

Ezkutuan zure irribarre distiratsua darama

etsaiaren altzairuzko hil-atorran iltzatuta.

Ameslarien lorategia agindu zitzaion

eta lantzak prest ditu, arrosak igo ditzan…

Baina airez heltzen da oinutsik zurekin antzik handiena duena:

bere esku leunak burdinazko oinetakoetan estu bilduta,

lotan ematen ditu gudaldia eta uda. Harentzat dario gereziari odola.