Tenebrae

Hurbil gaude, Jauna,

hurbil eta eskura.

Dagoeneko preso, Jauna,

elkarrengan iltzatuta

gutako bakoitzaren gorputza

zurea bailitzan, Jauna.

Egin otoitz, Jauna,

egin gure alde,

hurbil gaude.

Haizeak gaizki jota joan ginen hara,

okertzera joan ginen

hutsune eta labazko aintzirara.

Askara joan ginen, Jauna.

Odola zen, zuk

isuritakoa, Jauna.

Dir-dir zegien.

Zure irudia jartzen digu begietan, Jauna.

Gure begi-ahoak hain daude zabalik eta hutsik, Jauna.

Edan egin dugu, Jauna.

Odola eta odolean zegoen irudia, Jauna.

Egin otoitz, Jauna.

Hurbil gaude.