Arimak oro

Zer egin

nuen?

Gaua ernaldu, honako hau baino gautarragoak

liratekeen beste batzuk

egoterik balego bezala.

Txoriaren hegaldia, harriaren hegaldia, azaldutako

mila bide. Begiratuak,

lapurtuak eta lumatuak. Itsasoa,

dastatua, edana, amestua. Arima-eklipsaturiko

ordu bat. Hurrengoa, udazkeneko argi bat,

bidetik datorren sentipen

itsuari eskainia. Beste batzuk, anitz,

beren baitatik kanpo: ikusiak eta saihestuak.

Alderraiak, izarrak,

beltzak eta solasez beteak: isiltasunak

ezereztaturiko  agindu batengatik izendatua.

Eta behin (noiz? hori ere ahaztua):

txarrantxa-punta sentitu nuen,

non neure pultsua kontra-taupadara ausartu baitzen.