Zu ere mintza

Zu ere mintza,

izan azken hitza zure,

esan zurea.

Mintza —

baina ez bereiz baitik eza.

Eman zure esanari zentzua:

emaiozu itzala.

Emaiozu nahikoa itzal,

emaiozu gauerdiaren eta eguerdiaren

eta gauerdiaren artean

banatuta uste duzuna beste.

Begira inguruan:

begira nola pizten den zure inguruko oro —

Heriotzan! Bizirik!

Egia dio itzalaz mintzo denak.

Baina orain zauden tokia murriztu egiten da:

Orain nora joan, itzalik gabe, nora?

Igo. Haztatu gorantz.

Argalago bilakatzen zara, ezezagunago, meheago!

Meheago: hari bat,

non izarrak nahi duen pausatu:

beherago igeri egiteko, beherago,

non bere burua dakusan distiratsu: hitz

ibiltarien itsaskirrian.