Frantziako oroitzapenak

Nirekin batera pentsatu: Parisko zerua, udazkeneko

azafrai gaitz hori...

Bihotzak erosi genizkion neskato lore-saltzaileari:

urdinak ziren eta uretan loratzen ziren.

Euria hasi zen gure gelan

eta gure auzoa etorri zen, Le Songe jauna, gizon txiki iharra.

Kartetan aritu ginen, begi-niniak galdu nituen;

zure ilea utzi zenidan, galdu nuen, hark makurrarazi gintuen.

Atetik joan zen, euriak jarraitu zion.

Hilda geunden eta arnasa har genezakeen.