Distantziari gorazarre

Zure begien iturrian

sasi-itsasoko arrantzaleen sareak bizi dira.

Zure begien iturrian

betetzen du itsasoak bere agindua.

Hemen jaurtitzen ditut

gizonen artean egondako bihotza,

nire jantziak, eta zin baten bristada:

Belztasunean beltzago, biluziago nago

Ernegatuta baino ez naiz leiala.

Zu naiz neu naizenean.

Zure begien iturrian

jitoan noa eta bahiketa batekin dut amets egiten.

Sare batek beste sare bat harrapatu zuen:

lotuta bereizi ginen.

Zure begien iturrian

soka itotzen du urkatuak.