Zurzuri, zure hostoek begirada zuriz begiratzen diote ilunari.

Gure amaren ilea ez zen inoiz urdindu.

Txikoria belar, horren berdea da Ukraina.

Gure ama ilehoria ez zen etxeratu.

Euri laino, luzatzen al zara putzuaren gainean?

Gure ama gozoak negar dagi guztiengatik.

Izar biribil, urrezko begizta kiribiltzen duzu.

Berunak gure amaren bihotza zauritu zuen.

Harrizko ate, nork atera zaitu gontzetatik?

Gure ama amultsua ezin etorri.