Poesia kaiera
Lisboa
Ahotan hartzen dut:
“Lisboa”
Ibaia —hegotik etorririk— zeharkatzen dudalarik
Eta iristean hiria nire izenetik sortuko bailitzan zabaltzen delarik
Zabaltzen eta jaikitzen da bere luze-zabal gauekoan
Bere urdin- eta ibai-erakustaldi luzean
Bere muino pilatuzko gorputzean…
Hobeto ikusten dut ahotan hartzen dudalako
Dena hobeto ageri da ahotan hartzen dudalako
Denak hobeto ageri du bere izatea eta gabezia
Ahotan hartzen dudalako
Lisboa beraren izan-ala-ez-izaneko izena
Beraren meandro izu loezin latorrizkoak
Eta beraren antzerkiko gauzen dirdira sekretua
Beraren intrigazko eta maskarazko irri etorkorra
Urruneko itsasoa mendebaldean hedatutakoan
Lisboa txalupa handi bat bezala aldaroka
Lisboa ankerki eraikia bere absentzian barrena
Hiriaren izena hartzen dut ahotan
Ikusteko hartzen dut ahotan
Lisboa
Digo: / “Lisboa” / Quando atravesso — vinda do sul — o rio / E a cidade a que chego abre-se como se do seu nome nascesse / Abre-se e ergue-se em sua extensão noctuma / Em seu longo luzir de azul e rio / Em seu corpo amontoado de colinas — / Vejo-a melhor porque a digo / Tudo se mostra melhor porque digo / Tudo mostra melhor o seu estar e a sua carência / Porque digo / Lisboa com seu nome de ser e de não-ser / Com seus meandros de espanto insónia e lata / E seu secreto rebrilhar de coisa de teatro / Seu conivente sorrir de intriga e máscara / Enquanto o largo mar a Ocidente se dilata / Lisboa oscilando como uma grande barca / Lisboa cruelmente construída ao longo da sua própria ausência / Digo o nome da cidade / — Digo para ver