JIRA ETA BIRA

Gozoa isuri dinat

kulero gorrira.

Ez iezadan berriz begira,

izen gabeko desira.

Ez dinat antzematerik nahi

kontrabandozko su artifizialei

ene begietatik ihesi darien distira.

Beroa hedatu zaidan

gorputz guztira.

Ez iezadan atzera begira,

nahi besterik ez dudan desira.

Kontzientzia eragozpena

giltzariz jantzita zabilkinat

ziega zuloan jira eta bira.