AMETS

Hirekin amets egin dinat gaur.

Aske nengonan herrian.

Ondo-ondoan egon gaitun.

Denbora galduaren astuna

begietan dirdiraka genuela

begiratu haut eta esan dinat:

—Nola botatzen haudan faltan!

Eta energia oso bereziak inguratutako

besarkada estuan lotu gaitun

aspaldi ez bezala.

Esnatu naun.

Kantuan ari ditun txoriak 6:30ean.

Eta ametsetakoa orain

esna esan nahi dinat berriro:

—Nola botatzen haudan faltan!, Edur.