ASTINDU HEGOAK

Hegoak astinduz gara,

erlauntzean, hotzaldi gogorrenetan epel.

Bizirik jarraitzeko gara,

lorez lore, basoz basoko bidaiari.

Bizirik irauteko gara

etxetik kanpo.

Lorez loreko bidaia

luzea da gurea,

txilar, labanda, ezkai...

eta etxera itzultzeko ezgai.

Hegoak astinduz gara,

erlauntzean, hotzaldi gogorrenetan epel.

Hegoak astinduz gara,

haizetan eta haitzetan, askatasun haize.

Mila ezten-lantzaz defendatzen dugu

gure herria. Ehunka hildakoz.

Bizirik irauteko astintzen ditugu hegoak,

bizirik irauteko gara etxetik kanpo,

hegoak astinduz irauten dugu herri

nahiz eta herritik kanpo bizi.