ezin ditut nire begiak zugandik banandu: gau honetan

mila aldiz ederrago zaude

iraganean baino, oi, ilargi

lo behar nuke baina eserita jarraitzen dut

landare igokariaren hosto ilunetatik dakusat

zure pausoa zeruko gangatik

zein naiz une honetan

hainbesteko boterea

izan dezazun nigan

zetazko estalki batekin

biltzen duzu nire bizkarra, zeruan

konstelazioak erakusten dizkidazu, haien izenak ahoskatzen dituzu

istorio horiek aditzen egon ninteke luzaz

zein naiz mundua nirea dela

sentitzeko gai izateko, gurutzatzen

eta korapilatzen diren hainbat hariz nahastua

hemen nagoena

izate osoz