jaio zinen

herrian

lirioak loratzen dira

leihope bakoitzean

zerbaiti usaina dario—ezin dut ikusi zer den—

ahanzturaren

indar eta samurtasunez

uda da

kaleetan zehar alderrai

bira bat ematen diogu eliza atariari

plazari

ardo beltza dastatu eta leihotik

dakusagu

zure jaiotetxea

ohol eta iltzeekin hesitua

ezingo didazu erakutsi

sarraraz nazazu

atondo freskora, eguzkiz betetako logeletara

non joka segitzen duen

kanpora atera eta hautsi duten pianoak

non umea izaten jarraitzen duzun oraindik

nola maitatuko nukeen etxe hau

buelta bat ematen dugu hilerritik

zure hildako maiteak

aurkezten dizkidazu

antzinako herri osoa

zure neska-laguna

hilobi bakoitzaren gainean

arrosa bat

edo lirio hori bat

uzten dut

eta besarkatu egiten naute

onartu egiten naute

haiena banintz bezala