abandonatutzat emango dugu

poetaren hilobia herriko hilerri zaharrean

sastrakaz estalia, ahantzia, horrela behar du izan

ez al da poeta baten hilobia?

baina hara non (nork sinetsiko zukeen?) norbaitek

eskuarearekin harea berdindu eta kandelak eta

urrelili zuri sorta txiki bat utzi dituen

hildako guztien

festarako

izotzak haginkatutako hostoen

usaina

nahiko nuke

jan czeczot poetaren hilobiaz

arduratzen den pertsona ikusi

ziurrenetik atso zaharren bat

ikusmen nekatuko ehulea eta arnasa hartzeko zailtasunekin

oraindik Jainkoarengan sinesten duena

eta hark ez duela ahaztu

badakiena