kalearen ertzean eserita zegoen

margoa zartatua zuen banku hautsi batean

jendea haren aurretik pasatzen zen, umeak korrika,

denda ondoko ume-kotxetxoan haurra negarrez zegoen

traktore-gidariaren antzeko txapel urdin txiki batekin

beste garai bateko gabardina lodi

gomazko bota altuekin

eserita zegoen izozkia barkilloekin janez

beste bi anoa ondoan zain zituela

zaharra, masail iletsuduna

bakar-bakarrik

autobusak denda ondoan gelditzen ziren bitartean

lasai asko eserita jaten zuen izozkia

maiatz bero baten amaiera zen

bere inguruan

zirkulu magiko bat zihoan hazten

isiltasun eta bakardadearen zirkulua