pilotu txano beltza

burua hertsiki estutzen, larru

higatua josturetan, gerra hondarra

agian

motorzaleen betaurreko handiak

larru beltzezko eskularruak

haizeak bezala egiten du hegan

potentzia handiko bi argik

iluntasunari erauzitako errepidetik

motorraren zarata burrunbatsua

poz jauziak egiten dituen bihotz bat

sosegua

hegoak

hazi izan balitzaizkio legez

aingeru beltz bat legez

motor gainean

zure bizitzako ilunpeak hegan zeharkatzen jarraitzen du

zure aita da