badirudi ez duzula entzuten

ezer, zure panpinen

munduan murgildurik, benetako

drama

edo maitagarrien liburuei besarkatuta

eta egia da

ez duzu ezer entzuten

baina hitzak, hitz solteak

agian zentzugabe edo ezezagunak

zartadak bezalako hitzak

elkarrizketa zatiak, inflexio

bakana, ahots altua

edo ezkutuan

esku ahurrarekin lehortutako malko bat

berunaren pisuaz

arimaren sakonean ostatu hartzen dute

ez duzu ulertzen zer den, ezin duzu jakin

pozoia dira beharbada

ur gardeneko kondar hauek

badirudi dena ahaztua dela

eta ez, ez da hala; gaixotasun batek bezala

higatzen zaitu

geldiro, ezezagun, sendaezin