begiraiozu: zinez

urrezkoak dira bere eskuak: ahurrak eguzkirantz jartzean

—ikusten dut, ikusten— dirdirka egiten dute

urrezko hondar ale txikiek

esku geldi, epelak; bekokia

igurzten duzu beraiekin, une batez bermatzen dituzu

eta desagertu egiten da mina, larritasuna

esku hauek berberek

bainatzen dute haurra, garbitzen dute gaixoa,

txukuntzen eta janzten dute hilberria.