Otsokumea

Paseoan atera zuten, prozesio

luzea baratzean barrena. Euri-zirina.

Oin sorgortuak, hotzak zartatutako eskuak.

Ilarako azkena, arrastaka,

otsokumea

larruazala ardi-ilez betea, lapa-belarrez korapilatua

begi handi gosetuak.

Blaituta,

lurrerantz makurtzen dira, harri-koskor

eta udazkeneko orbel gorrixkak biltzen

babes-etxeko ume

bidean abandonatuak.