begi higatuek ezustean harrapatutako

anbar zati baten antzekoa zara, itsas algen artean

paseo luze eta nekatuen ostean

hain handi eta astuna —ia ezin dut sinetsi

benetakoa zarena

ondo garbitu behar zaizu

leundu

argia eta beroa zabal ditzazun

zure edertasun arrotz asaldagarria

piztu

tiradera zabaltzean anbar usaina

inoiz inork ebatsi ezingo digun

objektu baliotsu bakarra zara, oi, iragana