nire arima iluna

hondarrean ehortzia

lo dago, lo segitzen du

oi, gaueko

tximeleta argitsua,

itzuriko zara

lore-begitik, beirazko kaxa batean

orratz batek zeharkatutako

momia izatetik?

ile gorri ederreko

neskatoak

lorez josiriko haranera

arrabio bat darama

begietan

erne ostean haziko ote da

ale ezezagun hau,

ze lore jaioko da

haizeak ekarritako hazitik?

itzul zaitez, ene arima,

itzul zaitez nigana