hamabi urte nituen

Rochester jauna ezagutu nuenean

neguko arratsalde hartan

ni, sustrairik gabeko

umezurztegiko neska herabea

ez dira nireak landa hauek

ezta ere baratzea sabai altuko egongelak

korridore labirintiko ilunak eskailera kiribilak

eta hotz iraunkor hau

sorbalda meheotara itsatsita dudan

soineko nabar higatu hau ere ez da nirea

amantal beltza bezala

ametsak ditut bakarrik

eta neure izatea