egur

besakadarekin batera dakarzu kanpotik

airearen lurrun hotza

elurraren zaporea

ze epel (norbaitek, sartzean, oihukatu du:

hemen bizi da Jainkoa!)

logela osoa bete da

eguzki trinko, urre kolorezko

lorez

begiratzean hazi egiten direla dirudi

erlojuak ordua ematen du

hausten da haria eta amonak

Singer zaharraren orratza albainutzeko eskatzen dizu

oheko arropa konpontzen ari da

leiho ostetik entzuten da amilotxa

ez dizute

prestatu gabeko ikasgaiek axola

ezta mitoi bustiek ere

kanpora zoaz berriz ere

oraindik ez dakizu

arrats honek

eternitatearen usaina duela