HAIZETAKOA

landurak hartu

autoaren haizetakoaren antzera

dena lausoak estali aurretik

zugana noa,

zer dira ba hauek dardara aireok

eta beldur printzak

ez daukat soluziorik,

gorputz hau

irteera argirik gabeko

antzoki bihurtu zela urte asko da,

komunitate izatearen aringarri

erdia soilik eskain diezazuket:

tarteka bisutsa eta ekaitza

eta inoiz oinetako bustiak

edo lekako indabentzat

sapailo bazter bat

biok dakigun gauza da,

eta hala ere esan beharra