BI GIZON

uhinak gainjarri egiten dira

labarretan eta hareatzan

batzuetan lehertu eta hurrena

egiten dira etzan

bi gizon itsas hegian

elkarrekin astiro doaz

esan gabekoen hostoek

ukitzen dietela masaila

eraginez azkura sor bat

ematen du uhinak zerbaiten esperoan

ari direla zenbatzen euren burua:

beste jendarte bat edo

beste eguzki baten hortzak

orain gizon biek

batak bestea dute gogoan

elkarri gordetakoek hartua diete gela

antipodetako hotel banatan

ez dakit non mamitzen den

ez zenbat denbora behar duen

absentziaren lirikak

maitazarrez uhinez uhin loari deika

noiz arte higatzen

inoiz izango ez denaren mentsa