Landura
Landura
2022, poesia
96 orrialde
978-84-17051-92-1
Azaleko irudia: Xabier Gantzarain
Jose Luis Otamendi
1959, Azpeitia
 
2019, poesia
2014, poesia
2007, poesia
2000, poesia
1999, narrazioak
1995, poesia
1990, poesia
1987, poesia
 

 

POZAREN GELAXKA

 

 

leihotik sartu eta eskuak

marraztu ditu horman,

argia margolari paleolitikoa da;

abao-gelaxka hauek

eguzkiak berotu ditu,

udaberriak atarian

eratua dauka

atseginen lilitegia

 

ez dago aukerarik

geure buruarengandik

urrutira joateko ihesi,

aro berriaren egutegia

asmatzeko dago,

hala ere mendebaleko

gailentasun morala tarteko

2020ko martxo hau

etxe barruko

festa handi bat ez al da

 

zure gorputz atalak

gizateriaren ondare

izendatutakoan

geografia eta historia

eskolak hartuko ditut,

aise antzemango dira

negatibo faltsuak

zorion probetan

 

mundu zahar baten

amiltzearen lekuko naiz,

irekiko ote dira berriz

zinema aretoak

hegazkin biltegietan

ikusiko al dugu elkar

aspaldiko hitz hauetatik

zenbatek balioko dute

hurrena uki nazazunean

 

atseginen lilitegia eratu du

udaberriak atarian,

eta gu beste gauza batzuetan

gabiltzan bitartean

sekula ezagutuko

ez dugun jendea

gure alde ari da lanean