GILTZAK

atea ixtean elkarri begira geratu gara

eskuak patriketara haztamuka ziztuan

kakatzarra

barruan geratu dira giltzak

etxetik auto-kaleratuak

ordezkoen jagoleak non diren errepasatu dugu

oporretan zure gurasoak

mendira joana izango da anaia

oskolik gabeko barraskiloak gu

bion sosekin kaña bana ordaintzeko adina batu

etxe aurreko terrazan eseri

eta azkenak balira bezala edan

laster ilunduko du hoztu

urduritzen hasia nago

lehenbailehen behar dugu sarraila libratzea

telefonoa hartu eta aseguru etxera berriro

hamar tonu

baina ez du inork erantzuten