ARRANDEGIKO MOSTRADOREA

neure bizkar gainera igoa

konkorra hazi dudan muinoan

aitzurrean nabil lurra ateratzen dut

giharrak erauzi zuztarretik mamia irauli

hemen behar du gulliverren ezkutalekuak

x formako orbainaren ondoan

zazpigarren ornotik gertu

hemen da aspaldi ostendutako kutxa

ortzadarra balitz bezala zabaldu dut

bertan larruzko poltsan idazteko aiztoak

eta arrandegiko mostradorean arrainak nola

hala izotz artean gibela giltzurrunak birika zatiak

transplanterako prest